Ayat 1
بِسْمِ ٱللَّهِ ٱلرَّحْمَٰنِ ٱلرَّحِيمِ عَمَّ يَتَسَآءَلُونَ
(یہ) لوگ کس چیز کی نسبت پوچھتے ہیں؟
Ayat 2
عَنِ ٱلنَّبَإِ ٱلْعَظِيمِ
(کیا) بڑی خبر کی نسبت؟
Ayat 3
ٱلَّذِى هُمْ فِيهِ مُخْتَلِفُونَ
جس میں یہ اختلاف کر رہے ہیں
Ayat 4
كَلَّا سَيَعْلَمُونَ
دیکھو یہ عنقریب جان لیں گے
Ayat 5
ثُمَّ كَلَّا سَيَعْلَمُونَ
پھر دیکھو یہ عنقریب جان لیں گے
Ayat 6
أَلَمْ نَجْعَلِ ٱلْأَرْضَ مِهَٰدًۭا
کیا ہم نے زمین کو بچھونا نہیں بنایا
Ayat 7
وَٱلْجِبَالَ أَوْتَادًۭا
اور پہاڑوں کو (ا س کی) میخیں (نہیں ٹھہرایا؟)
Ayat 8
وَخَلَقْنَٰكُمْ أَزْوَٰجًۭا
(بے شک بنایا) اور تم کو جوڑا جوڑابھی پیدا کیا
Ayat 9
وَجَعَلْنَا نَوْمَكُمْ سُبَاتًۭا
اور نیند کو تمہارے لیے (موجب) آرام بنایا
Ayat 10
وَجَعَلْنَا ٱلَّيْلَ لِبَاسًۭا
اور رات کو پردہ مقرر کیا
Ayat 11
وَجَعَلْنَا ٱلنَّهَارَ مَعَاشًۭا
اور دن کو معاش (کا وقت) قرار دیا
Ayat 12
وَبَنَيْنَا فَوْقَكُمْ سَبْعًۭا شِدَادًۭا
اور تمہارے اوپر سات مضبوط (آسمان) بنائے
Ayat 13
وَجَعَلْنَا سِرَاجًۭا وَهَّاجًۭا
اور (آفتاب کا) روشن چراغ بنایا
Ayat 14
وَأَنزَلْنَا مِنَ ٱلْمُعْصِرَٰتِ مَآءًۭ ثَجَّاجًۭا
اور نچڑتے بادلوں سے موسلا دھار مینہ برسایا
Ayat 15
لِّنُخْرِجَ بِهِۦ حَبًّۭا وَنَبَاتًۭا
تاکہ اس سے اناج اور سبزہ پیدا کریں
Ayat 16
وَجَنَّٰتٍ أَلْفَافًا
اور گھنے گھنے باغ
Ayat 17
إِنَّ يَوْمَ ٱلْفَصْلِ كَانَ مِيقَٰتًۭا
بےشک فیصلہ کا دن مقرر ہے
Ayat 18
يَوْمَ يُنفَخُ فِى ٱلصُّورِ فَتَأْتُونَ أَفْوَاجًۭا
جس دن صور پھونکا جائے گا تو تم لوگ غٹ کے غٹ آ موجود ہو گے
Ayat 19
وَفُتِحَتِ ٱلسَّمَآءُ فَكَانَتْ أَبْوَٰبًۭا
اور آسمان کھولا جائے گا تو (اس میں) دروازے ہو جائیں گے
Ayat 20
وَسُيِّرَتِ ٱلْجِبَالُ فَكَانَتْ سَرَابًا
اور پہاڑ چلائے جائیں گے تو وہ ریت ہو کر رہ جائیں گے
Ayat 21
إِنَّ جَهَنَّمَ كَانَتْ مِرْصَادًۭا
بےشک دوزخ گھات میں ہے
Ayat 22
لِّلطَّٰغِينَ مَـَٔابًۭا
(یعنی) سرکشوں کا وہی ٹھکانہ ہے
Ayat 23
لَّٰبِثِينَ فِيهَآ أَحْقَابًۭا
اس میں وہ مدتوں پڑے رہیں گے
Ayat 24
لَّا يَذُوقُونَ فِيهَا بَرْدًۭا وَلَا شَرَابًا
وہاں نہ ٹھنڈک کا مزہ چکھیں گے۔ نہ (کچھ) پینا (نصیب ہو گا)
Ayat 25
إِلَّا حَمِيمًۭا وَغَسَّاقًۭا
مگر گرم پانی اور بہتی پیپ
Ayat 26
جَزَآءًۭ وِفَاقًا
(یہ) بدلہ ہے پورا پورا
Ayat 27
إِنَّهُمْ كَانُوا۟ لَا يَرْجُونَ حِسَابًۭا
یہ لوگ حساب (آخرت) کی امید ہی نہیں رکھتے تھے
Ayat 28
وَكَذَّبُوا۟ بِـَٔايَٰتِنَا كِذَّابًۭا
اور ہماری آیتوں کو جھوٹ سمجھ کر جھٹلاتے رہتے تھے
Ayat 29
وَكُلَّ شَىْءٍ أَحْصَيْنَٰهُ كِتَٰبًۭا
اور ہم نے ہر چیز کو لکھ کر ضبط کر رکھا ہے
Ayat 30
فَذُوقُوا۟ فَلَن نَّزِيدَكُمْ إِلَّا عَذَابًا
سو (اب) مزہ چکھو۔ ہم تم پر عذاب ہی بڑھاتے جائیں گے
Ayat 31
إِنَّ لِلْمُتَّقِينَ مَفَازًا
بے شک پرہیز گاروں کے لیے کامیابی ہے
Ayat 32
حَدَآئِقَ وَأَعْنَٰبًۭا
(یعنی) باغ اور انگور
Ayat 33
وَكَوَاعِبَ أَتْرَابًۭا
اور ہم عمر نوجوان عورتیں
Ayat 34
وَكَأْسًۭا دِهَاقًۭا
اور شراب کے چھلکتے ہوئے گلاس
Ayat 35
لَّا يَسْمَعُونَ فِيهَا لَغْوًۭا وَلَا كِذَّٰبًۭا
وہاں نہ بیہودہ بات سنیں گے نہ جھوٹ (خرافات)
Ayat 36
جَزَآءًۭ مِّن رَّبِّكَ عَطَآءً حِسَابًۭا
یہ تمہارے پروردگار کی طرف سے صلہ ہے انعام کثیر
Ayat 37
رَّبِّ ٱلسَّمَٰوَٰتِ وَٱلْأَرْضِ وَمَا بَيْنَهُمَا ٱلرَّحْمَٰنِ ۖ لَا يَمْلِكُونَ مِنْهُ خِطَابًۭا
وہ جو آسمانوں اور زمین اور جو ان دونوں میں ہے سب کا مالک ہے بڑا مہربان کسی کو اس سے بات کرنے کا یارا نہیں ہوگا
Ayat 38
يَوْمَ يَقُومُ ٱلرُّوحُ وَٱلْمَلَٰٓئِكَةُ صَفًّۭا ۖ لَّا يَتَكَلَّمُونَ إِلَّا مَنْ أَذِنَ لَهُ ٱلرَّحْمَٰنُ وَقَالَ صَوَابًۭا
جس دن روح (الامین) اور فرشتے صف باندھ کر کھڑے ہوں گے تو کوئی بول نہ سکے گا مگر جس کو (خدائے رحمٰن) اجازت بخشے اور اس نے بات بھی درست کہی ہو
Ayat 39
ذَٰلِكَ ٱلْيَوْمُ ٱلْحَقُّ ۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا
یہ دن برحق ہے۔ پس جو شخص چاہے اپنے پروردگار کے پاس ٹھکانہ بنا ئے
Ayat 40
إِنَّآ أَنذَرْنَٰكُمْ عَذَابًۭا قَرِيبًۭا يَوْمَ يَنظُرُ ٱلْمَرْءُ مَا قَدَّمَتْ يَدَاهُ وَيَقُولُ ٱلْكَافِرُ يَٰلَيْتَنِى كُنتُ تُرَٰبًۢا
ہم نے تم کو عذاب سے جو عنقریب آنے والا ہے آگاہ کر دیا ہے جس دن ہر شخص ان (اعمال) کو جو اس نے آگے بھیجے ہوں گے دیکھ لے گا اور کافر کہے گا کہ اے کاش میں مٹی ہوتا